Despues di dos aña AZV a considera necesario pa sigui cu actividad di Fin di Aña

The content originally appeared on: News Americas Now

Black Immigrant Daily News

The content originally appeared on: Diario

ORANJESTAD (AAN): Relaciona cu e comentarionan cu a plama rond Aruba durante fin di siman, awor Organo Ehecutivo di AZV a duna nan reaccion riba articulonan den prensa relaciona cu su actividad di fin di aña.

   Según Organo Ehecutivo di AZV, prome cu tur cos, nan tin

comprension pa e preocupacionnan expresa, principalmente den luz di e desaroyonan den e sector di cuido.

   Di otro banda OE AZV a tene na cuenta desaroyonan interno di su organisacion y retonan cu mester a enfrenta e ultimo 3 añanan.

   Hopi cambio: Segun nan, e organización di AZV a conoce un aumento grandi den presion di trabao desde pandemia pa motibo cu un banda a corta den personal y di otro banda di trabao diario, empleadonan mester a percura pa ehecucion di e asina yama “5 wave model”.

   Ademas e organisacion mester a pasa den un trayecto di cambionan pa crea atrobe un luga di trabao sigur, saludabel y placentero. Sin duda e ultimo aki tabata un peso pa e salud mental den e organisacion.

   Evaluacion: A considera tambe cu durante 2022, empleadonan a entrega mas o menos mey miyon florin di nan entrada na e fondo di AZV. 

   Evaluando tur e desaroyonan aki den luz di e resultado positivo pa e fondo di AZV, di e bon trabao realisa den 2022 y di e cambio necesario den e organisacion, gerencia a considera necesario, despues di dos aña, continua cu e actividad di fin di aña pa gradici su empleadonan pa e bon trabao desplega ultimo 3 añanan y gradici pa nan pasenshi pa cu e cambionan den organisacion.

   OE AZV tin comprension pa e incomodidad cu e actividad por a causa.

NewsAmericasNow.com